ឆាពោះជ្រូក

 

គ្រឿងផ្សំ

• ពោះជ្រូក ៧ខាំ
• ខ្ទឹមស ខ្ទឹមក្រហម និងគល់ស្លឹកគ្រៃ ៤០ក្រាម (ហាន់ល្អិតៗ)
• ប្រេងឆា
• ប៊ីចេង
• ស្ករ ១ស្លាបព្រាបាយ
• ម្សៅផ្សំរសជាតិ កន្លះស្លាបព្រាបាយ
• ទឹកត្រី ២ស្លាបព្រាបាយ
• ទឹកម្ទេស ២ស្លាបព្រាបាយ
• ទឹកម្ទេសខ្មៅ ២ស្លាបព្រាបាយ
• ម្រេចទុំ ១០ក្រាម (មូល)
• ទឹក ៥០មីលីលីត្រ
• ម្ទេសផ្អែម ៥០ក្រាម (ហាន់ធំៗ)

របៀបធ្វើ

• ដាំទឹកអោយពុះ ដាក់ពោះជ្រូកស្ងោ ប្រហែល៥នាទី រួចស្រង់ចេញ ហាន់វែងៗល្មម។
• ដាំខ្ទះដាក់ប្រេងឆាអោយក្តៅ សឹមដាក់ខ្ទឹមស ខ្ទឹមក្រហម និងគល់ស្លឹកគ្រៃចូលឆាអោយប្រែពណ៌បន្ទិច សឹមដាក់ ប៊ីចេង ស្ករ ម្សៅផ្សំរសជាតិ ទឹកត្រី ទឹកម្ទេស ទឹកម្ទេសខ្មៅ និងម្រេចចូលឆាច្របល់គ្នាអោយសព្វល្អ។
• បន្ទាប់មកដាក់ពោះជ្រូកឆាអោយសព្វល្អ សឹមដាក់ទឹកចូលកូអោយសព្វ ទុកអោយពុះសឹមដាក់ម្ទេសចូលកូអោយសព្វ រួចទុកអោយពុះប្រហែល៣០នាទីទៀតជាការស្រេច៕