៙ គ្រឿងផ្សំ :
១– ត្រីផ្ទួកធំ១ បំពងឲ្យស្រួយ ។២– ត្រីផ្លួកតូច ដាក់ស្ងោរ ដាក់អំបិល១ចិប ពេលឆ្អិនហើយបេះវារួចបុក ។
៣– បន្លែ កញ្ឆែត ស្ពៃបូកគោ
៤– គ្រឿងគល់ស្លឹកគ្រៃ រំដេង ស្លឹកក្រូច រមៀត ខ្ទឹមស បុកម៉ដ្ឋ ។
៥– សណ្ដែកដី ដាក់ក៏បានអត់ក៏បាន ។
៦– ម្ទេសក្រៀម ចិញ្ច្រាំម៉ត់ ។
៧– ខ្ទឹមក្រហម ហាន់ស្ដើងៗ ឬបុកម៉ត់ ។
៨– កាពិ ។
៩– ខ្ទិះដូង ។
១០– ទឹកអំពិលទុំ ២ ទៅ ៣ ស្លាបព្រា
១១– ស្ករស អំបិល ប៊ីចេង ទឹកត្រី ស្ករត្នោត និងម្សៅស៊ុបខ្នរ ។
៙ វិធីធ្វើ ៖
១- ដាក់ប្រេងឆាចូលខ្ទះឲ្យក្ដៅខ្លាំងចាំដាក់ត្រី ត្រីវះវាផង ឲ្យឆ្អិនដល់ក្នុង បំពងប្រហែល១៥នាទី ទុកដោយឡែកសិន ។២- ដាក់ប្រេងឆាឲ្យក្ដៅ ដាក់ម្ទេសចិញ្ច្រាំចូល ខ្ទឹមក្រហម គ្រឿងបុក កាពិ ហើយខ្ទិះដូង ឲ្យពុះតិច ដាក់ទឹកត្រី ស្ករត្នោត ម្សៅសុ៑បខ្នរ១ស្លាបព្រា ដាក់ត្រីបុកចូល កូរឲ្យសព្វ ថែមខ្ទិះដូងកន្លះកូនចានទៀត ដាក់ទឹកអំពិលទុំ ហើយភ្លក់មើលត្រូវតាមចំណូលចិត្ត ពុះលើកចុះ ។
៣- រៀបស្ពៃ និងកញ្ឆែតលើចាន ហើយដាក់ត្រី ស្រោចទឹកគ្រឿងលើត្រី រោយសណ្ដែកដីពីលើ ដាក់ភ្លើងកម្ដៅពីក្រោមឲ្យក្ដៅពុះតិចៗ ឲ្យឆ្អិនកញ្ឆែតតិចៗ ទើបកាន់តែឆ្ងាញ់ ៕
Tags:
ប្រភេទសម្លឆា